Proxecto "Unha máquina completa" Día 3 e 4

Video resumo dos días 3 e 4 do proxecto de 1º e 2º de Primaria, no que tivemos a colaboración do fisioterapeuta Francisco Romero, do Centro de Fisioterapia & Pilates ULTREIA, continuamos coas cosas postas en común e exposicións, hábitos de hixiene e rematamos os murais e demais productos.

Proxecto "Voyage, Voyage" 5º-6º E. Primaira -- Resumo e produtos finais

Finalizado o Proxecto "Voyage, voyage", aquí podedes ver un pequeno resumo final e un enlace para poder ver os traballos realizados polos alumnos.

Pinchar na imaxe inferior para ver os traballos dos alumnos

Proxecto "VOYAGE, VOYAGE" 5º-6º E. Primaria -- 5º día

Último día de proxecto.
Ao longo da mañá rematamos todas os produtos pendentes (textos, presentacións e presupostos), á vez que preparamos a xornada de tarde, na que lle expuxemos o traballo realizado ás familias.
Foi unha tarde moi especial, na que todos, alumnos, mestres e familias compartimos o traballo realizado, sendo completamente protagonistas os rapaces.
Como final de proxecto, e xa sen as familias, os alumnos que o desexaron compartiron a súa valoración da semana en asamblea.
A semana vindeira será o momento de avaliar, tanto por parte dos mestres como dos propios alumnos.

PROXECTO 3º E 4º, DÍA 5: AVALIACIÓN E RECORDOS

Despois do longo camiño recorrido onte, hoxe puxémonos mans á obra para recordar a través de mapas mentais e resumos o traballado. Ademáis, como bos observadores, realizamos unha diana de autoavaliación para  extraer conclusións acerca do noso traballo durante a semana.

A última hora da mañá rematamos os nosos diarios (os resultados os veredes o vindeiro martes) e decoramos as nosas comisolas amosando os artistas que levamos dentro.

Aquí algunhas fotos de traballos rematados:

Proxecto "VOYAGE, VOYAGE", 5º-6º E. Primaria -- Día 4

Despois da oración da mañá e da presentación da xornada os alumnos remataron todos os arquivos relacionados coa viaxe organizada:
      - Arquivo de texto cos datos da viaxe
      - Folla de cálculo co presuposto final axustado á cantidade de diñeiro da que dispoñían
      - Presentación de diapositivas cun resumo da viaxe e actividades que realizarían.
Continuamos cos ensaios para a actividade do venres tarde e por fin, pola tarde....
Dinámica para aplicar o explicado pola mañá sobre o funcionamento do Metro dunha cidade. Os mestres foron os trenes nas 4 liñas que tiña a nosa "cidade" e os rapaces tiveron que chegar dun punto de saída a outro de destino utilizando un plano do metro e facendo os cambios  necesarios de liña para que o percorrido fora o máis rápido posible.
Como cada día rematamos cunha reflexión da xornada e anotacións en diario e portfolio.

DÍA 4 EN 3º E 4º: RECORRIDO POLO NOVO PASEO DO CABE

Os rapaces de 3º e 4º fomos recorrendo o novo paseo do Cabe fixándonos nalgúns aspectos traballados durante a semana: o curso do río, o caudal, elementos contaminantes... Ademáis tivemos ocasión de falar da necesidade de manter a Natureza en bo estado e ser cívicos e responsables nas nosas accións. Algúns rapaces aproveitaron para recoller os plásticos que atopamos, moi posiblemente, tirados alí por xente pouco cívica.
Xa pola tarde, recordamos o vocabulario visto pola mañá. Entre outras actividades, fixemos un "Pasapalabra" e a verdade e que acertaron moitas respostas.
Mañá finalizaremos o proxecto.

PROXECTO "VOYAGE, VOYAGE" 5º e 6º de Primaria -- Día 3

No terceiro día de Proxecto estamos rematando a búsqueda e organización da información necesaria para poder realizar a viaxe, con prezos definitivos de todo o necesario.
Con estes datos elaboramos un documento de texto, unha presentación e volcamos todos os datos nunha folla de cálculo onde comparamos as diferentes opcións que temos para escoller a que máis se adapta ao presuposto dado.
Pola tarde fixemos unha actividade moi novedosa pola inclusión dos móbiles como instrumento de traballo. A dinámica consistiu na realización de difentes itinerarios pola nosa cidade utilizando dúas ferramentas que inclúen todos os smartphones, como son Google Maps e GPS. Seguindo as indicacións de Maps os alumnos desprazáronse pola cidade seguindo unha ruta que se lles facilitou con anterioridade.
Tamén como cada día realizamos conxuntamente a oración da mañá e a presentación do día e tamén, xa de feito individual, un resumo no diario e recopilación no portfolio a última hora da tarde.

DÍA 3 DO PROXECTO EN 3º E 4º: MAQUETAS DO RELEVO

Hoxe foi un día bastante especial, xa que os rapaces nos grupos base construiron unha maqueta cunha paisaxe para traballar as distintas formas do relevo. Ao rematar, etiquetaron con bandeiriñas cada elemento para recordalo mellor.

Adicaremos a tarde a traballar vocabulario e expresións relacionadas cos mares, ríos...

Recordade que mañá pola mañá sairemos a desfrutar do novo paseo polo Cabe e a observar en primeira persoa as cousas traballadas nestes días: cursos do río, elementos, a conservación do medio, a vida na auga... Todo o que vexamos o plasmaremos con verbas no diario do proxecto.

 Deíxovos algunhas fotos nas que podedes observar o fantástico traballo.

 

Proxecto "VOYAGE, VOYAGE" 3º Ciclo E. Primaria - Día 2

Día 2 do proxecto "Voyage, voyage", 3º Ciclo de Primaria
 
Empezamos esta segunda xornada no pasillo, coa oración conxunta e a explicación das actividades do día aos alumnos.
Durante todo o día os alumnos estiveron recopilando toda a información necesaria para a viaxe que deben planificar, para preparar unha presentación na que expliquen toda a programación que prepararon.
Ademáis empezaron xa os ensaios para as actividades en inglés do venres tarde.

 

Comezamos o proxecto "Unha máquina completa"

Neste video recollemos os mellores momentos dos primeiros días de actividades do proxecto de 1º e 2º de E. Primaria sobre o corpo humano "Unha máquina completa".

PROXECTOS INTERDISCIPLINARES E. PRIMARIA

Toda esta semana estamos inmersos nos diferentes Proxectos Interdisciplinares en toda a Etapa.
Desixámosvos un vídeo cun pequeno adianto dos traballos que se están a realizar en todos os cursos de Primaria.

DÍA 2: ENQUISAS SOBRE O CONSUMO DE AUGA E EXPOSICIÓNS

Hoxe comezamos o día traballando nun Powerpoint que nos ensinaba distintas cousas sobre o tema que nos ocupa: estados, accidentes de relevo relacionados coa auga, usos, cualidades... Por grupos os rapaces tiveron que contestar ao test e elaborar un mapa acerca do contido que lle tocou. Máis tarde exporemos por grupos base cada tema ao resto de compañeiros.
 No recreo realizaremos unha toma de datos acerca do consumo de auga nos fogares dos compañeiros doutros cursos, e xa pola tarde elaboraremos as gráficas para representalo dun xeito máis vistoso. Ah! Por certo, todo o vocabulario dado o traballaremos tamén en inglés!

Proxecto "Voyage, voyage" 3º Ciclo. Día 1

Día 1 do proxecto "Voyage, voyage", 3º Ciclo de Primaria
 
Empezamos a xornada no Salón de Actos, coa oración conxunta e a presentación do Proxecto aos alumnos.
A partires dese momento os alumnos levaron a cabo todos os protocolos que se realizan nun aeroporto antes de poder entrar no avión, recibiron os seus billetes entregando unha identificación, dirixíronse cara ás portas de embarque pasando polo "security check" e accederon por fin aos seus avións/clases, onde se situaron no asiento que lles correspondeu no seu billete.
Recibiron as instrucións de seguridade pertinentes e a partires de aí empezou o traballo de grupos para o Proxecto. Neste primeiro día consistiu nun test de cultura xeral sobre o mundo, un escrito sobre "A miña viaxe ideal" e xa o traballo de investigación para poder organizar a viaxe que escolleron dos destinos previstos.
Como faremos cada xornada rematamos cunha reflexión sobre o traballado e a elaboración dun portfolio de proxecto co máis significativo de cada día. 
A cotinuación deixámosvos un vídeo co mellor da xornada e na imaxe superior un álbum coas fotos do día. 

INICIAMOS O NOSO PROXECTO: AUGA É VIDA!

Comezamos o proxecto "Auga é vida" co visionado dun vídeo a modo de actividade preliminar. Os rapaces amosaron moitos coñecementos acerca do tema e, de seguro, sentiranse entusiasmados coas as actividades que realizaremos ao longo da semana.

Tamén comezamos a encher de vida os nosos "diarios de agua" nos que os alumnos  irán escribindo as cousas que suceden na clase durante este proxecto.

Outra forma de aprender! Auga é vida!

Proxecto "Voyage, Voyage", ambientación

Antes de empezar cada proxecto é necesario un traballo previo de ambientación, para que os alumnos se mergullen na temática do proxecto ao chegar o primeiro día.
Aquí vos deixamos un pequeno vídeo con ese traballo previo.

Proxecto "VOYAGE, VOYAGE" - 3º Ciclo

Empezamos o Proxecto Interdisciplinar "VOYAGE, VOYAGE", no 3º Ciclo de Primaria.